OIRE OMWANA OBORITO!
Written by Victor Obangi on February 22, 2022
Eamate eyemo korwa ase ekenyoro kia riosaga nyatieko kitutu chache north ecounty ya kisii nigo yarure okoboria gochia ase eserekali koyekonya konyora oboene , magega yomwana obo koegwa oborito nomomura oyomo bwemiaka 32 korwa ase ekenyoro ekio .
Omonyaroka oywo bwemiaka ikomi netano ogosoma ase esukuru ya riankoko nigo are noborito bwemetienyi etano magega yokongainwa nomomura oywo nechibesa na magega yaye komoa oborito
Korengana na gladys nyambeki oywo ore ng’ina omonyaroka oywo, omomura oywo nigo atema komoa chibesa erio enyaroka eywo arusioe oborito korende agachikana ase bono aganetie omomura oywo amorende omwana orachie koiborwa goika aike emiaka ikomi netanoetato.
Nigo egetebekana buna ngina omomura oywo nigo abaire obwoba nga tibatema komorentera abanyanyimbo erio abekwe biara
