TOIRANIE EMEREMO:ABATERESA KOMOBORIA OMOGAVANA BWEKAUNTI YA KISII
Written by Hyline Major on February 23, 2022
Abateresa ase ekaunti ya Kisii ase entunda yende nigo bamomochirie omogavana bwekaunti eyio James Ongwae ase okomocha goikerania ogochika okwo kwarwetwe amo nekegambero okwo gwachigete abairanie emeremo abateresa baria bachiete omogiro omotienyi o ikomi na kabere omwaka bwechilibu ibere nemerongo ebere abwo batenenetigwe emeremo nomogavana oyio
Bakoragwa amo nomoriki otenenerete abateresa abwo ase ekaunti ya Kisii Moses Rianga nigo bamomochirie ongwae ase okomocha kobaakana abanyagitari abwo emesaara yabo ase chingaki echio barenge emeremo
Korengana na omoobisa oyio nigo atebire buna abanyagitari abwo mbakorete imocho rinde ase okogenda omogiro bwemeremo ekiagera nigo barenge korwanerera oboene bwabo, afia yabo amo neamate yabo
Boigo nigo atebire buna abanyagitari abange nigo bono bare nomoichano omonene na ebirengererio ebinge ekiagera tibabwati enchera yogoikerania amaganio abo
Bono nigo amoboririe omogavana ongwae kogayana emechando ebwateraneti ewizara yobochenu ase ekaunti eyio
Reader's opinions
Continue reading
