OMOSACHA KOBWATERWA EBINYERERE ASE OGOTEMA KOGORA CHIKURA MASIMBA
Written by Victor Obangi on February 22, 2022
Omosacha oyomo nigo autirie amakweri magega yogosaganwa nabamenyi ensemo ya masimba , ase keria bateba buna nigo are gotema gokora oboibi bwechikura .
Korengana nabamenyi ,omosacha oywo bwemiaka ya igatwa korwa ase ekenyoro kiengoro nyaribari masaba ecounty ya Kisii, nigo arenge gotema kogora chikura amo nebibande korwa ase abamenyi ensemo eywo ya masimba ase asaganwa nabananchi barenge nobororo obonge . nonya nabo,nigo omokagerwa oywo atorigwa .
Abamenyi bewadi ya masimba nigo bono babamochirie abakorigia ekerogo kiobomca korwa ase ewadi ya kiamokama , ase ogotema kobagora abaaki chikura korwa chiwadi chinde.
Ogokurera nigo bono kwarurwe gochia ase abakenya, gwetanga korwa koonia ekura yabo , erio bachie gwechorera abarai barabakorere amagenderero korwa ase chiwadi chiabo
