iebc gotenenia ekina kiaye sabina chege goika chitariki ikomi na isato omotienyi ogocha

Ekeombe ki’obochori nechimbebe aiga Kenya IEBC giasukirie bosio ogotegererwa gw’ekina kemobwateranetie omochumbe ase ekaunti ya Muranga Sabina Chege goika chitariki ikomi na isato omotienyi ogocha.

Ayio maega yomowakili oye Otinde Omolo goteba buna Sabina Nigo are omorwaire na nigo atangire ase enyagitari ya Nairobi korwa chitariki ikomi na isano nemo omotienyi oyo.

Otinde nigo atebire buna Sabina nigo agendererete konyora obogwenia na takonyara goika bosio bwekomiti eyio ase ekero ekio.

Chingaki echio omokomissona o’IEBC  Pro.Abdi Guliye nigo atebire buna chinkwana chinyinge chiria chiogoteba buna oboibi bwechikura mbochie koenekigwa omwaka oyo tikeri kemaene ayio namangana yabanasiasa.

Boigo IEBC ase engaki eye nigo yabekire ekerengo ekeyia kioborendi na obokoreri obuya ase obochori obonene bwomwaka oyo erio koenekia abananchi bamochorire omorai baganetie. 

Hyline Major

Author

Hyline Major

Author's archive