toroserie ebara twachandekire:abamenyi ba boruma gosaba
Written by Hyline Major on March 9, 2022
Abamenyi bensemo ya Boruma anene mono baria bagotumeka ebara ya ekorwa etundubari ya Boruma goika echiro ya Riakegesa goika Ironi nigo bemurunganeiri ogosareka gwebara eyio.
Abamenyi abwo abange babo bare abaremi nigo batebire buna yabeire omochando ase bare goikia rigesa riabo ase echiro anene mono chingaki chiembura embura egotwa.
Korengana nabamenyi abwo nigo batebire buna omosamaria omuya nigo erwa kobaroseria ebara eyio ase korende ebwate omochando omonene na oganetie obokonyi.
Bono nigo barure okoboria gochia ase eserekali na abarai babo kobaroseria ebara eyio erio koororobia emeroberio yabo yobosombi ya kera rituko.
