abanyanyimbo komorigia omosacha oyomo ime ya keumbu
Written by Hyline Major on March 9, 2022
Abanyanyimbo ime ya Keumbu ekaunti ya Kisii nigo bagendererete nobotuki ase egekore ekemo omobere bwomwana ore noborema onyoretwe abwo magoroba gotigire ase echiro ange nekanisa ya Keumbu SDA.
Korengana na abanyanyimbo omobere bwomwana oyio okageire koba bwemiaka etano ebere nigo otigire ase ekerogo kiewheelchair.
Nigo egotebekana buna abwo igoro nigo arenge gotarigwa amo nomosacha oyomo bokaira ase bare gosaberera chibesa,nigo ekageire buna chingaki omosacha oyio anyorete omwana oyio okure nigo atamete na komotiga abwo.
Korengana noroboti kera rituko ria Jumanne nigo egotebekana bagotara ase echiro eyio baosaberera chibesa.
Omwana oyio taramanyekana buya ase akorwa chingaki obotuki bwaime bogendererete chingaki omobere oye obekire ase enkendu ya yenyagitari ya Kisii,chingaki omosacha oyio ogendererete korigigwa.
