OKOBORWA KWOMOREMBE ELGEIYO MARAKWET
Written by Victor Obangi on February 18, 2022
Omowaziri bwoborendi bwaime Dr. Fred Matiangi otebire buna omwarimu bwesukuru ya Tot nigo agochia kobekwa biara na goikigwa bosio bwekegambero , ase ogwanchera ebasi yesukuru eywo koba ase orongendo magega yechinsa ikomi na ibere nenusu chia mogoroba .
Ebasi yesukuru eywo egotoka ase ecounty ya Elgeiyo Marakwet nigo yasaganetwe rituko riaigoro , abwo ase aborokigwa ikomi na batano nabarimu babere batigeretwe chingoma nomogendia bwegari eywo goakwa risasi na gokwa.
Kobwatekana negekoro ekio , abarai korwa ase orogongo orwo nigo bagikeirie okoborwa kwomorembe ase amatuko a bwango iga .
Matiangi nigo atebire buna , abasaria abwo bakageire koba abaibi bechiombe nigo bagochia korarigwa koba ababegu , na koimokerigwa ebitambokero ebitindi bierichiko .
Abamenyi besemo eywo nigo bono bayemochirie eserekali , ase okoborwa kwomorembe ase emiaka emenge bono.
Reader's opinions
Continue reading
