OKORARIA OMOREMBE
Written by Victor Obangi on February 17, 2022
Omogano bwobochori obonene ase ense ya kenya anene ase omwaka bwechiribu ibere na isano na ibere nigo ore oyo bwobosoku nokwoboyia ase okoborwa kwomorembe. Nonya nabo , abakenya batemire koraria omorembe ase obochori bwemiaka yabwatirie.
Chingaki abaaki chikura bakoirana ase okobachora abarai abayia omwaka oyo anene ekero togochia konyora omorai bwense omoyia , negento kiengencho ase abarai bebisaku ao ao kobwatana na koraria omorembe.
Omoriki bwekeombe kiabagaka korwa Gusii , Gusii council of Elders Bosire Angwenyi, orure okoboria gochia ase abarai baria bakorigia ebirogo ao ao ase chikura chiomwaka oyo , tibabatumeka abasae bobe chingaki echi chiechikampeni.
Gokwana nabariki amang’ana ime ya Kisii, Angwenyi nigo boigo ababoririe abasae koba maiso erio tibatumekwa bobe, na gotang’ania obogima bwabobosio bwa kende gionsi.
Omorai oywo Nigo atebire buna , ekeombe ekio kiabagaka korwa gusii mbakora chinnkwana nabagaka korwa ebisaku ao ao , keria kia Maasai amo na Kalenjin igoro yenchera yokogenderera koenekia omorembe.
Angwenyi Oboririe abarai boigo gokora chikampeni chiomorembe bosio bwobochori obonene bore bosio
