IEBC gokora omosangererekano omonene igoro yobochori bwomwaka o 2022 KICC
Written by Zachary Mayieka on July 11, 2022
Ekeombe kiobochoori nechimbebe IEBC nigo kerakore omosangererekano omonene igoro yokoerigania kwobochori obonene ase amaagacho a KICC ime yomochie o Nairobi.
Omosangererekano oyio nigo ore nekerenga, ‘Ogosukia ense ya Kenya gochia ase ekerengo egeting’u kiobosibore’. Chinkwana nchibe igoro yokoerigania kwobochori na koenekia obochori obuya.
Omorai bwense omosike Uhuru Kenyatta nigo akageire koigora omosangererekano oyuo bwamatuko ane, amo na abarwanereria bane bekerogo kioborai bwense.
Abwo ng’amo na oria o ODM Raila Odinga, oria o UDA William Ruto, Roots Party George Wajackoya, amo na Agano Party David Wahiga.
Boigo ebiombe biariganirie ng’amo na African Union, Commision of Chairperson Moussa Faki Mahamat amo nabanyakerogo korwa ebiombe binde biobochori.
Omonachi ebina omonene Martha Koome, Attoney General Kihara Kariuki amo nomoteneneri o IEBC Wafula Chebukati nabaikerane.
