HELB GOTUGUTERA ARE EBANGO YA ABAOROKIGWA BARIA BABWATE AMAKABESO

Ekiombe giokorwa amakabeso  ase abana bechiuniversity nechicollege kia HELB nigo bono giatuguteire are egesusuro kiebango konya kiabekire ase abaorokigwa baria banyoretwe koirania amakabeso yekeomb ekio

Goetera ase omoobisa omonene bwekiombe ekio Charles Ringera nigo atebire buna  barusirie ebango yonsi ekerengo kiemii igoro yemii ayio nkobwatekana na amakongu abwateraneti uchumi ase engecho yebinyinyi bia corona

Nigo atebire buna ebinyinyi bia corona nigo biakuna anene uchumi na koirera abanto abange  kobutwa emeremo na  ekerengo kioboonchoreria koirana inse

Boigo nigo atebire buna baimokirie egetambokero ekio erio korwa chingaki chinyororo ase baria konya banyorirwe gwakana amakabeso ayio batari gwakana bwaita bonde bwensi

Omoroberio oyio nigo oragenderere goika chitariki emerongo etato omotienyi o kane omwaka oyo

Hyline Major

Author

Hyline Major

Author's archive