MAGOHA:ABARIMU BAKORENDA AMATEMWA TIBASOA NECHISIMI ASE EBIRASI
Written by Victor Obangi on March 8, 2022
Chingaki amatemu amanene yekerasi kia gatano gatato KCPE agendererete, omowaziri bwechisemi professor George Magoha orure ogokurera gochia ase abarimu bakorenda amatemu aywo ,tibasoa nechisimi chiabo ase ebirasi amatemu agokoreka.
Gokwana ase ecounty ya Nyeri chingaki atenenerete okobwatokwa kwamatemu aywo gochia ase chisukuru aoao ase ecounty eywo , Magoha nigo atebire buna omworokia onde bwensi orachie kobwatwa kagotema koiba amatemwa nigo arachie koimokerigwa egetambokero egetindi
Magoha nigo arure ogokurera oko magega yabarimu ase ensemo ya Ruiru nabande korwa aswe ecounty ya wajir , gotebekana goaka amasakara yamatemu chibicha , ase atebire buna aborokia abwo nigo barachie gotukwa na koimokerigwa ebitambokero ebitindi korengana nerichiko
Chingaki echio echio omwarimu omonene korwa ase esukuru eyemo ase ecounty ya Kirinyaga , nigo abekirwe biara ase okomotanga omworokigwa gokora amatemu aywo amanene agendererete
Korengana na Peter Nkunga oywo ore omokonyi bwomocommisiona bwabanyanyimbo ase esubcounty ya Mwea,omwarimu oywoase erieta John Macharia bwesukuru ya Mwea Municipality Academy nigo amotangete omworokia bwemiaka ikomi netato gokora amatemu goika akore efees eywo konya ataraakana.
Omwarimu oywo nigo atangire ase egetaseni kiabanyanyimbo gia Kiamaciri ase okomorina omworokigwa oywo oboene bwaye bwokonyora chisemi ekero obotuki bogendererete .Nonya nabo omworokia oywo nigo ancheretwe gokora amatemwa aye magega yabanyanyimbo gosoa gati.
