abaonchoreria bechiro ya kegati ekaunti ya kisii omoerio oye konyora omorai bwamagenderero
Written by Hyline Major on March 24, 2022
Maega ya koba matuko amange batabwati abarai babo abaonchoreria bechiro ya Kegati eyio egotoka econstituency ya Nyaribari Chache ekaunti ya Kisii.
Omoerio oye nigo banyorire abarai abaya goetera omoroberio omoyia bwechikura,ayio maega yabaonchoreria abwo gwaka chikura gochora abarai babo.
James Mogaka nigo achoretwe buna omonyakerogo obo ase abarierete eira yogochia koenekia obochenu ase echiro eyio ,boigo emeroberio emiya eyio erachie koororobia oboonchoreria bwabo bwa kera rituko.
Ase ensemo yaye omotenenenri bwechichiro ase ekaunti ya Kisii Zachary Mose nigo aakeire mbuya mono abaonchoreria abwo ase ogokora obochori bwomorembe naboigo koenekia buna mbachie gokora emeroberio yabo buya.
