PROFESSOR MUTUA GOCHORWA KOBA OMONOGERI BWECHIKAMPAIN ODM
Written by Victor Obangi on March 2, 2022
Omonyakerogo bwekeombe giokwegerera oboene bwa mwanyabanto aiga kenya Professor Makau Mutua, orarigwe koba omonogeri bwechikampaign chiomorwanereri bwekerogo kioborai bwense Raila Odinga goetera ase etigiti yekiama gia ODM
Raila nigo araria aywo goetera ase omotandao oye o twitter ase omoete Mutua esegeto ase okwenyorera ribaga erio
Aya nigo agokoreka amatuko amake magega ya Professor Mutua koraria komoa okoboko Raila buna omorwanereri bwekerogo kioborai bwense , na goteba buna Raila obeire gakworokia obwanchani ase ense ya Kenya , naigo nemobwenerete koegwa ekerogo ekio.
Chingaki are gokwana negetaseni ekemo kioboraria aiga Kenya , Mutua nigo atebete buna obomo bwa NASA nigo bwakwete na igo tari buya ase Kalonzo komoraga ekiara
Rituko ria igoro Kalonzo nigo amomochetie Mutua ase okogenda mamincha yokoigwana kwabegetwe egati yaye na Raila ase Mutua arenge kirori.
