omosacha oyomo komoita omongina oye;Kisii
Written by Hyline Major on March 2, 2022
Omosacha bwemiaka ya igatwa korwa ase ekenyoro kia Siara elocation ya Nyakoe ekaunti ya Kisii nigo atangire ase egetaseni kiabanyanyimbo kia nyanchwa ase amamocho yokomoita omongina oye.
Korengana noroboti korwa ase abanyanyimbo omosacha oyio omanyekaine buna Thomas Omwenga oyio boigo ore noborema nigo amoitete omongina oye Winfridah Bitengo bwemiaka emerongo ene chingaki bare kwomana kibakorwa oborebi.
Nigo egotebekana babere abwo nigo bachiete emeremo yekonda ase omwamate obo chingaki baakanetwe bagaetera ase enyomba yamarwa na ekero barenge korwa aroro bagachaka kwomanera obokombe obwo bwasira, abwo noo omosacha oyio aimogetie ebagwacho na komoaka omotwe na komoita abwo abwo.
Abananchi abwo barenge nobororo baganetie komoita omosacha oyio ase korende agaika gotorigwa amo nabanyanyimbo.
Omobere o nyagosira nigo obekire ase enkendu ya Kisii chingaki abanyanyimbo bachakirie obotuki bwaime.
