omonyanyimbo oyomo komoita omongina oye;bomet
Written by Hyline Major on March 14, 2022
Omonyanyimbo bwe AP oyio ogokorera ase chinsemo chia Bomet nigo amobeta omoyio omongina oye goika gokwa maega yogotwara riomana riegenka.
Omoobisa omonene bwa abanyanyimbo ime ya Bomet Moses Omar nigo aenekeirie buna omosubati oyio bwemiaka emerongo ebere netano nigo abetwa omoyio ase egekuba goika ogokwa.
Nigo egotebekana omogaka oyio bwemiaka emerongo etato netano nere nigo atema gweita ase okwebeta omoyio ase enda korende oika gotorigwa na kominyokigwa ase enyagitari Tenwake ase korende are omonyareku.
Omwana obo bwemetienyi kianda nigo atorigwa amo nabaamate,ase omobere o nyagosira obekwa ase enkendu yenyagitari ya Rongisa chingaki obotuki igoro yegekore ekio bogendererete.
