OBORENDI GOTIONGIGWA SAMBURU BOSIO BWAMATEMU AMANENE
Written by Victor Obangi on March 4, 2022
Abanyanyimbo nigo bagendererete gotingia oborendi ase ecounty ya Samburu , chingaki aborikigwa goetania chiribu chimi isato ase ecounty eywo beariganetie gichia goikaransa ase amatemu amanene a kcpe eiki egocha.
Omocomossiona bwabanyanyimbo ase ecounty eywo Henry Wafula, obaenekeirie aborokigwa buna chinsemo chionsi chioborendi nchichie kobwaterana , erio koenekia buna ebikoro biobosaria tibiri gochia koenekigwa chingaki amatemu aywo agendererete.
Gokwana nabariki amangana , Wafula nigo atebire buna ensemo yoborendi yakorire egeikaro amo nabarimu abanene , abwo boigo baenekerigwa oborendi chingaki chiokoira amasakara yamatemu ase chisukuru 130 chioboroso ase ecounty eywo.
