erende mono chingaki embura egotwa tobwateranigwa

Eserekali yekaunti ya Kisii amo nabamenyi bekaunti eyio nigo baborigwe kwearigania konyora embura enyinge eyio arachie koenekigwa eiki egocha goika omotienyi o gatano

Korengana na omodirector bwekeombe gikorenga rire Henry Sese ase atebire embura nigo ekageire gochaka omotienyi o gatato goika omotienyi o gatano omwaka oyo

Boigo nigo arure obosemia gochia ase abananchi koba maiso anene mono emebasokano erachie korentwa amo netoigo

Nigo aboririe abarimu amo nabaibori koenekai buna abana tibari gochieza chingaki embura egotwa na koigama inse yemete na gokurera baria bakoiya chigware tibaigama aroro chingaki embura yachakire gotwa erio gotanga kwanyokerwa neriroba

Hyline Major

Author

Hyline Major

Author's archive